İdman

DÇ-2026-nı televiziyadan izləyəcək azarkeşlərin nəzərinə: Yenilik olacaq

6 Mart 2026 13:24

2026-cı il dünya çempionatında turniri televiziyadan izləyəcək tamaşaçılar yeniliklə qarşılaşacaqlar.

Publika.az xəbər verir ki, su fasilələri zamanı reklamlar göstəriləcək.

“The Athletic”in məlumatına görə, FİFA yayım şirkətlərinə texniki fasilələr zamanı canlı yayıma reklam blokları əlavə etməyə icazə verib. Bu məsələ televiziya şirkətlərinin top-menecerləri ilə artıq ətraflı müzakirə olunub.

Xatırladaq ki, dekabr ayında hər hissənin ortasında üç dəqiqəlik məcburi fasilələrin tətbiq ediləcəyi açıqlanıb. Bu, stadionda havanın necə isti olmasından asılı olmayaraq tətbiq olunacaq.

Belə bir təqdimat formatı, yəni oyun zamanı məcburi dayanmalar zamanı reklamın göstərilməsi, basketbol və Amerika futbolu kimi idman növlərində artıq uzun müddətdir adi haldır.

Heybət