Təcavüzdə ittiham olunan futbolçunu bu cəza gözləyir

İspaniyanın “Elçe” klubunun hücumçusu Rafael Mir seksual və fiziki zorakılıq ittihamı ilə 10 il yarım həbs cəzası ala bilər.

Publika.az xəbər verir ki, bu barədə “Las Provincias” məlumat yayıb.

Futbolçu 2024-cü ilin sentyabrında Valensiya Mülki Qvardiyası tərəfindən saxlanılıb. İttihama görə, Mir evində 21 yaşlı qıza qarşı seksual və fiziki zorakılıq edib. Futbolçu isə seksual zorakılıq ittihamlarını əsassız sayır. O, ifadə verdikdən sonra sərbəst buraxılıb.

Nəşrin məlumatına görə, prokurorluq seksual cinayətə görə 9 il, mənəvi və fiziki zorakılığa görə isə əlavə 18 ay həbs cəzası tələb edir. Bundan başqa, prokurorluq futbolçunun zərərçəkənə 64 min avro məbləğində kompensasiya ödəməsini istəyir.

Bildirilib ki, futbolçunun dostu Pablo Xara da zərərçəkənin rəfiqəsinə qarşı təcavüz və hücumda ittiham olunur. Onun üçün prokurorluq 3 il həbs cəzası istəyib.

Hazırda 28 yaşı olan Mir 2022/23 mövsümündə “Sevilya”nın heyətində Avropa Liqasının qalibi olub. O, “Valensiya”da da çıxış edib. Hücumçu ötən ilin avqustunda icarə əsasında “Elçe”yə keçib.

Heybət