Kurtua adını ÇL-in tarixinə yazdı - VİDEO
Bizi izləyin
Aptekonline

İdman

Kurtua adını ÇL-in tarixinə yazdı - VİDEO

“Real”ın qapıçısı Tibo Kurtua Çempionlar Liqasının tarixində yeni rekorda imza atıb.

Publika.az xəbər verir ki, o, Çempionlar Liqasının 1/8 final mərhələsinin “Mançester Siti” ilə ilk oyununda (3:0) assist etməklə buna nail olub. Belçikalı qolkiper matçın 20-ci dəqiqəsində komanda yoldaşı Federiko Valverdeyə məhsuldar ötürmə edib.

Bundan əvvəl əsas mərhələnin “Kayrat”la oyununda da assist edən belçikalı qolkiper turnirin tarixində bir mövsümdə iki məhsuldar ötürmə edən ikinci qapıçı olub. Bundan əvvəl bu göstəriciyə 2003/04 mövsümündə “Deportivo”nun qapıçısı Xose Fransisko Molina nail olub.

Bununla yanaşı, Kurtua Çempionlar Liqasında qapıçılar arasında ən çox qol ötürməsi edən futbolçu kimi də rekord müəyyənləşdirib. Onun hesabında hazırda 3 assist var. Bu ötürmələrdən ikisi “Real”, biri isə “Çelsi”nin heyətində qeydə alınıb.

Heybət

Oxumağa davam et
Reklam
Reklam

Gündəm

Aptekonline