“Xəzər Lənkəran”ın sabiq baş məşqçisinə dəhşətli diaqnoz qoyuldu

Uels futbolunun əfsanəsi Con Toşak demensiya diaqnozu qoyulub.

Publika.az xəbər verir ki, bu barədə onun oğlu "Daily Mail" qəzetinə verdiyi müsahibədə məlumat verib.

Kameron Toşak atasının bir gün əvvəl baş verən hadisələri xatırlamadığını, bununla belə, bir neçə onilliklər əvvəlki karyerasından bir matçı ətraflı təsvir edə bildiyini deyib.

"Bu, dəhşətli bir xəstəlikdir. Qısamüddətli yaddaşda özünü göstərir - demək olar ki, hər gün onunla danışıram və nahardan sonra danışsaq, səhər nədən danışdığımızı xatırlamaya bilər. Amma ondan “Liverpul”, “Real Sosyedad” və ya “Real Madrid”dəki vaxtı barədə soruşsam, detallar heyrətamizdir.

O, mənə “Real”da olarkən Arriqo Sakkinin “Milan”ına qarşı oyunundan və Marko van Bastenlə mübarizə aparmaq üçün yarımmüdafiəni necə yenidən qurduğundan danışırdı. Sanki dünən kimi hiss olunurdu, onun yaddaşı çox aydın idi. O, hələ də əla məsləhətlər verir. Məşqçi kimi o, həmişə iki və ya üç addım irəlidə olduğunu görə bilirdi və bu, həmişə mənim DNT-mdə olub", - kiçik Toşak bildirib.

Qeyd etmək lazımdır ki, Con Toşak COVID-19-a yoluxduqdan və pnevmoniya xəstəliyindən əziyyət çəkdikdən sonra Barselona xəstəxanasında iki həftə süni tənəffüs aparatına qoşulmuşdu.

Toşak bir müddət “Xəzər Lənkəran”ın da baş məşqçisi olub. Onun son iş yeri Təbrizin “Traktor” komandası olub.

Publika.az