Əhmədov 12 illik vədinə "xilaf çıxdı", Arda Turan onu sevindirdi - FOTO

"Şaxtyor Donetsk" klubunun prezidenti Rinat Əhmədov vədini pozub.

Publika.az xəbər verir ki, o, bunu komandasının Konfrans Liqasının 1/4 final mərhələsində "AZ Alkmaar"la oyunu stadiondan izləməklə edib.

Əhmədov 12 ildən sonra ilk dəfə "Şaxtyor"un oyununu canlı izləyib. İş adamı Buxarestdə "Şaxtyor"un keçmiş baş məşqçi Mirça Luçesku ilə vida mərasimində iştirak etdikdən sonra Polşaya yollanıb və Niderland klubu ilə görüşü arenadan izləyib.

Rinat Əhmədov komandanın Donetskə qayıdana, "Donbass Arena"da meydana çıxacağına qədər oyunlara gəlməyəcəyini vəd etmişdi. O, 2014-cü il mayın 2-dən, "Şaxtyor"un «Donbass Arena»da "İliçivets"ə qarşı son oyunundan bəri komandanın matçlarına getmirdi.

Daha sonra Əhmədov bu qərardan peşman olduğunu da etiraf etmişdi.

Onun stadionda olması komandaya müsbət təsir göstərib. Arda Turanın rəhbərlik etdiyi kollektiv Pedrinyo və Alisson Santenanın dublu sayəsində 3:0 hesablı qələbə qazanıb.

Cavab oyunu ayın 16-da Niderlandda keçiriləcək. Qarşılaşmanın qalibi yarımfinalda "Kristal Pelas" - "Fiorentina" cütünün qalibi ilə qarşılaşacaq.

Heybət