İdman

PSJ və "Bayern" ÇL-də yeni rekordlar qırdılar

29 Aprel 2026 09:48

PSJ ilə “Bayern” arasında keçirilən Çempionlar Liqasının yarımfinal mərhələsinin ilk oyunu (5:4) turnir tarixində rekordlarla yadda qalıb.

Publika.az xəbər verir ki, komandalar bu qarşılaşmada ümumilikdə 9 qol vuraraq yarımfinal mərhələsi üçün yeni məhsuldarlıq rekordu müəyyənləşdirib. Bu barədə UEFA məlumat yayıb.

Bu statistika yalnız Çempionlar Liqasının yeni formatlı dövrünə aiddir və 1955–1991-ci illərdə keçirilən Avropa Çempionlar Kuboku nəzərə alınmır. Əvvəlki rekord isə 1960-cı ildə “Ayntraxt”ın səfərdə “Reyncers”i 6:3 hesabı ilə məğlub etdiyi oyuna məxsus idi.

Bu qarşılaşmanın ilk hissəsi də tarixə düşüb. Belə ki, ilk 45 dəqiqədə 5 qol vurulub və bu, Çempionlar Liqasının yarımfinalları tarixində bir ilk olub. Fasiləyə komandalar PSJ-nin 3:2 hesablı üstünlüyü ilə yollanıb.

Qeyd edək ki, komandalar arasında cavab oyunu mayın 6-da keçiriləcək.

Heybət