Ronaldo anons verdi: Karyeramın sonu yaxınlaşır...

Portuqaliyalı hücumçu, "Əl-Nəsr"in futbolçusu Kriştiano Ronaldo futbolçu karyerasının sonuna yaxınlaşdığını açıqlayıb.

Publika.az xəbər verir ki, onun sözlərini jurnalist Fabritsio Romano yayımlayıb.

"Karyeramın sonu yaxınlaşır, gəlin hər oyundan zövq alaq. Mən təkcə bu nəsil üçün deyil, əvvəlki və gələcək nəsillər üçün də oynamağa davam edirəm. Gündən-günə, oyundan-oyuna, ildən-ilə bundan zövq alıram, hətta karyeramın sonuna yaxınlaşdığımı bilsəm də. Bu, faktdır.

Karyeram möhtəşəm olub və mən bunun belə davam etməsini istəyirəm. Hələ də bundan zövq alıram, qollar vurmağa davam edirəm. Amma ən əsası qələbədir. Biz həqiqətən çempionluğu qazanmaq istəyirik".

Xatırladaq ki, Ronaldo ötən gün Səudiyyə Ərəbistanı Pro Liqasının 30-cu turunda "Əl-Əhli" ilə oyunda (2:0) karyerasının 970-ci qolunu vurub. Cari mövsümdə 41 yaşlı hücumçu yüksək məhsuldarlıq nümayiş etdirir. O, bütün turnirlərdə 32 oyunda 27 qol vurub və 4 məhsuldar ötürmə edib.

"Əl-Nəsr" hazırda çempionatda liderdir və "Əl-Hilal"ı 8 xal qabaqlayır. Komanda növbəti oyununu mayın 3-də saat 21:00-da səfərdə "Əl-Qadisiyə"yə qarşı keçirəcək.

Heybət