Tuxel öz istədiyini edir - Karrager

İngiltərə millisinin keçmiş müdafiəçisi Ceymi Karrager Tomas Tuxelin DÇ-2026 üçün heyət seçimi haqda danışıb.

Publika.az xəbər verir ki, “The Telegraph” qəzeti Karragerin sözlərini sitat gətirib:

“DÇ heyətini açıqlayan Tomas Tuxel Futbol Assosiasiyasının İngiltərə üçün istədiyi məşqçi olduğunu sübut etdi.

Futbolçu və sonralar ekspert kimi illərimdə İngiltərə məşqçiləri həmişə eyni problemlə üzləşiblər. Onlar böyük adlara həddindən artıq güvənməkdə, heyətləri nüfuza görə seçməkdə və komanda balansı naminə ulduzları kənarda qoymaqdan çəkinməkdə ittiham olunublar.

Əminəm ki, mənim dövrümdə agentlərin, jurnalistlərin, təcrübəli oyunçuların və milli komandanın ətrafındakı digər insanların fikirlərinə həddindən artıq həssas olan məşqçilər var idi. Digər tərəfdən, Tuxel öz istədiyini edir. Onun qərarları ilə mübahisə etmək olar, amma yanaşması hörmətə layiqdir. Məşqçidən xarakter tələb edib, amma azarkeşlərin sevimlisinə çevrilməsini gözləmək olmaz.

Heç kim məni Tuxelin İngiltərənin ən istedadlı 26 oyunçusunu seçdiyinə inandıra bilməz. Əgər belə olsaydı, Foden və Palmer artıq təyyarədə olardılar. Amma bəlkə də bu yanaşma keçmişin səhvlərindən qaçınmağa kömək edəcək”.