Qərarından peşman olmadığını açıqladı: Hər kəs bu təklifə “hə” deyərdi

Braziliya millisinin keçmiş yarımmüdafiəçisi Oskar 2017-ci ildə “Çelsi”dən “Şanxay Port”a keçidi barədə danışıb.

Publika.az xəbər verir ki, Oskar bu qərarına görə peşman olmadığını bildirib:

“Əlbəttə ki, o vaxtlar hər kəs bunun çox böyük məbləğ olduğunu bildirdi. Mən getdim, çünki o vaxtlar “Çelsi”də oynamırdım. Avropa klublarına, eləcə də Çinə keçmək imkanım var idi. Mənə təsirli, həqiqətən də böyük bir müqavilə təklif edildi. Amma mənim üçün vacib olan təkcə pul deyildi: yeni bir mədəniyyət yaşamaq istəyirdim.

Futbol dəyişib, indi görə bilərsiniz. Kriştiano Ronaldo, Benzema. Səudiyyə Ərəbistanına getdi, Futbolda həqiqətən yaxşı təklif alanda… Bu, sanki iş kimidir, bilirsinizmi? Əlbəttə ki, 20 il “Çelsi”də oynamaq istəyirdim, amma bəzən oynamırsan, bəzən ailən şəhərdən, bəzən məşqçidən narazı olursan.

Bəlkə də başqa bir Dünya Kubokunda oynaya bilərdim, “Çelsi”də daha yaxşı oyunlar keçirə bilərdim, amma düşünürəm ki, bu, düzgün qərar idi.

Əgər o vaxtlar məni tənqid edən hər kəsə bu təklif verilsəydi, 100 faiz “hə” deyərdilər. Bu normaldır, işdir. Sadəcə ehtirası nəzərə almaq olmaz, sizin üçün nəyin doğru olduğunu düşünməlisiniz”.