18 yaşlı yarımmüdafiəçi "Barselona"da

“Barselona” 18 yaşlı cinah yarımmüdafiəçisi Jesse Bisivanın transferi üçün “Brügge” ilə razılığa gəlib

Publika.az xəbər verir ki, bu barəıdə jurnalist Saşa Tavoyeri bildirib.

Mənbənin məlumatına görə, Kataloniya klubu bir neçə ay müqavilə üzərində işlədikdən sonra Belçika tərəfi ilə danışıqları başa çatdırıb. “Barselona”nın idman direktoru Deko danışıqlarda əsas rol oynayıb. “Blauqrana”nın ilkin təklifləri rədd edilsə də, yeni təklif tərəflərə tam razılığa gəlməyə imkan verib.

Müqavilənin maliyyə şərtlərinə oyunçunun əsas komandadakı irəliləyişinə və performansına əsaslanan bonuslar daxildir. Bundan əlavə, “Brügge” klubu oyunçunun potensial gələcək satış dəyərinin əhəmiyyətli bir hissəsini özündə saxlayıb.

Sürəti və sol cinahda rəqiblərini təkbətək məğlub etmək bacarığı ilə tanınan 18 yaşlı Bisivanın “Barselona”nın əsas komandası ilə mövsümöncəsi məşqlərdə iştirak etməsi gözlənilir.

Daha sonra o, tədricən İspaniya futboluna uyğunlaşmaq üçün həm əsas heyətdə, həm də “Barselona Atletik”də məşqlər edəcək.