"Sabah"dan ikinci qol - YENİLƏNİR

Uelsdə yerli TNS və "Sabah" komandaları arasında keçirilən UEFA Çempionlar Liqasının I təsnifat mərhələsinin cavab oyununda ikinci hissə başlayıb.

Publika.az xəbər verir ki, Azərbaycan təmsilçisi hesabda öndədir - 2:0.

28-ci dəqiqədə Coy-Lens Mikels, 42-ci dəqiqədə Rəhman Daşdəmirov fərqlənib.

xxx

22:12

"Sabah" Uelsdə TNS komandasına qarşı keçirdiyi UEFA Çempionlar Liqasının I təsnifat mərhələsinin cavab oyununda hesabı açıb.

Publika.az xəbər verir ki, matçda ilk qolu Coy-Lens Mikels vurub.

Hücumçu 28-ci dəqiqədə meydan sahiblərini məyus edib.

xxx

21:30

UEFA Çempionlar Liqasının I təsnifat mərhələsinin TNS (Uels) - "Sabah" oyunu start götürüb.

Publika.az xəbər verir ki, qarşılaşma "Park Holl" stadionunda keçirilir.

Matçın baş hakimi ispaniyalı Mateo Buskets Ferrerdir.

Bu cütün qalibi növbəti mərhələdə "Vardar" (Şimali Makedoniya) – "Kups" (Finlandiya) duelinin güclüsü ilə üz-üzə gələcək.

Xatırladaq ki, tərəflər arasında Bakıda keçirilən ilk görüşdə "Sabah" 2:0 hesablı qələbə qazanıb.