Mbappe məğlubiyyətin səbəbini açıqladı: Onlara icazə verdik ki...

Fransa millisinin hücumçusu Kilian Mbappe komandasının 2026-cı il Dünya Kubokunun yarımfinalında İspaniyaya qarşı (0:2) texniki və taktiki baxımdan istədiyi kimi oynamadığını bildirib.

Publika.az xəbər verir ki, onun sözlərini “RMC Sport” yayıb. “Kral klubu”nun lideri bildirib ki, İspaniya öz planına sadiq qalıb: topu və tempi idarə etməyi sevən bir komanda.

"Məqsəd bu süni tempin qarşısını almaq üçün onları yüksək səviyyədə qarşılamaq idi, amma biz bacarmadıq. Çoxlu texniki səhvlər var idi. Lazım olan anda onlar üçün problem yarada bilmədik.

Biz onlara tempi diktə etməsinə icazə verdik; güc balansını dəyişdirməli olan biz idik və məhz burada uğursuz olduq”, - Mbappe deyib.

27 yaşlı hücumçu əlavə edib ki, fransızlar pressinq edərkən ünsiyyət qura bilmirlər.

"Mən nə hiss edirəm? Hamı kimi - böyük bir məyusluq. Finala çıxmaq, ölkəmizə xəyal qurmaq, tarix yazmaq imkanı vermək bizim arzumuz idi... Məyusluq çox böyükdür, söz tapa bilmirəm. Özümü toparlamalı, tətilə getməli və hər şeyə yenidən başlamalıyam. Futbol heç kimi gözləmir. Hələ klublar və milli komanda ilə sınaqlar olacaq", - deyə Kilian qeyd edib.

Müəllif: Tural