Haaland Hollivud ulduzuna məhəl qoymayıb: Alçaldıcı təcrübə idi

Norveç millisinin və “Mançester Siti”nin hücumçusu Erlinq Haaland sosial mediada hollivud aktyoru Tom Hollandın birbaşa mesajına məhəl qoymayıb.

Publika.az xəbər verir ki, aktyor bu barədə “The Tonight Show with Jimmy Fallon” verilişində bildirib:

“Bəli, sizə deyim ki, aktyorlar üçün məhz bu cür alçaldıcı təcrübə vacibdir. Düşünürsünüz ki, ona mesaj yazıb şam yeməyinə dəvət edəcəyəm. Cavab yoxdur, bəhanə yoxdur, “Bu gecə futbol oynamaqla məşğulam”’. Vəssalam”.

Tom Haalandı iyunun əvvəlində Formula 1 Monako Qran Prisində gördüyünü və bu hadisənin onu futbolçu ilə əlaqə saxlamağa ilhamlandırdığını söyləyib.

“Yarışı izləyirdim və onu gördüm. O, qarşımdakı VIP lojada idi və mən sadəcə sınamağın dəyər olduğunu düşündüm. Ona görə də ona mesaj göndərdim”, – aktyor bildirib.

Haalandla hələ də nahar etmək istəyib-istəməyəcəyi soruşulduqda, aktyor deyib: “Düşünürəm ki, baş verənlərdən sonra mənimlə nahar etmək istəməz”.

Daha sonra o, oyunçunu 2026-cı il Dünya Kubokundakı çıxışına görə tərifləyib və hücumçunu “inanılmaz” adlandırıb: “O, əsl əfsanədir”.

Publika.az