Ekosistem dağılır, milli liqalar öləcək - Tebasdan qorxunc xəbərdarlıq

La Liqa prezidenti Xavyer Tebas milli liqa ekosisteminin məhv olduğu barədə xəbərdarlıq edib.

Publika.az xəbər verir ki, Tebas bu barədə Dünya Futbol Sammitində bildirib.

“Biz sıxışdırılırıq. Audiovizual bazarımızın çökdüyü sahələr var. Bazar yüksək dərəcədə seqmentləşdirilib və bu, milli liqalara böyük zərər vurur. Sənaye burada yaranır. Əksər oyunçular Dünya və ya Avropa çempionatlarında oynamırlar. Ekosistem dağılır və biz çox təhlükəli bir anı yaşayırıq. Dünya Kuboku gec başa çatır. Bu, bizim razılığımız olmadan edildi.

Onlar bizdən bir həftəni aldılar ki, bu da milli çempionatın startında problem yaratdı. Çempionlar Liqası daha iki-üç tura təsir edir.

Onlar kannibalizm edirlər. Futbolu yalnız 20 kluba əsaslanaraq idarə etmək olmaz. Bu, yuxarıdakı oyunçuların altı əvəzinə yeddi “Ferrari”si olmasını, aşağıdakı oyunçuların işsiz qalması üçün edilir. Bizim böyük bir problemimiz var. Əgər bu davam edərsə, sıxıntılardan öləcəyik”, – deyə AS Tebasdan sitat gətirib.

Publika.az