"Ağıllı" işıqlandırıcı hazırlandı - - VİDEO

Barselonada keçirilən “MWC” sərgisində fotokameraların işini asanlaşdıracaq yeni qurğu təqdim edilib.

Publika.az xəbər verir ki, sərgidə iştirak edən “Canon” şirkəti süni intellekt texnologiyalarının tətbiqi ilə peşəkar fotoqrafların işini sadələşdirəcək və xüsusilə çıxarılabilən “ağıllı” işıqlandırıcı qurğunu təqdim edib.

"Ağıllı" işıqlandırıcı “470EX-AI” modeli olaraq təqdim edilib. O, xarici görünüşünə görə digər çıxarılabilən “Canon” işıqlandırıcı modellərindən fərqlənmir. Bütün texniki xüsusiyyətlər qurğunun daxilində yerləşdirilib. Çəkiliş zamanı işıqlandırıcı intellektual rejimdə avtomatik olaraq çəkiliş obyektinə və tavanadək olan məsafəni müəyyənləşdirir və ən yaxşı vəziyyəti hesablayır, quraşdırılmış ötürücülər isə onu seçilən nöqtəyə yönəldir. Nəticədə fotoqraf kifayət qədər işıqlandırma sayəsində hətta kölgəsiz şəkillər əldə edə bilir.

Bundan başqa, qurğu fotoqrafaın işini asanlaşdırmaq üçün çəkiliş zamanı yarımavtomat rejimdə də ola bilir. Bu qurğunun ilkin olaraq qiyməti 400 dollar təşkil edir. "Canon Speedlite 470EX-AI” işıqlandırıcısının aprel ayında dünya bazarına satışa çıxarılacağı planlaşdırılır.

Könül Cəfərli