İslamiada: Rəsul Çunayev gümüşdə qaldı - FOTO - (YENİLƏNİR)

Azərbaycanın yunan-Roma güləşçisi Rəsul Çunayev (71 kq) IV İslam Həmrəyliyi Oyunlarında bürünc medal uğrunda xalça üzərinə çıxıb.

Publika.az-ın məlumatına görə, bu dəfə güləşçimizin rəqibi Türkiyə təmsilçisi İlker Sönmez olub.

İdmançımız rəqibini 4:1 hesabı ilə məğlub edərək bürünc medala sahib olub.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.

***

Digər təmsilçimiz Murad Məmmədov isə iranlı Mohammad Nourbəxş ilə qarşılaşıb. Təmsilçimiz 10:4 hesabı ilə qalib gələrək yarımfinala çıxıb.

***

Azərbaycanın yunan-Roma güləşçisi Orxan Nuriyev (98 kq) IV İslam Həmrəyliyi Oyunlarında finala vəsiqə qazanıb.

Final uğrunda mübarizədə güləşçimizin rəqibi Özbəkistan təmsilçisi Rüstəm Assakalov olub.

O.Nuriyev rəqibinə 5:0 hesabı ilə qalib gələrək finala vəsiqə qazanıb.

***

Azərbaycanın yunan-Roma güləşçisi Rafiq Hüseynov (80 kq) IV İslam Həmrəyliyi Oyunlarında finala vəsiqə qazanıb.

Final uğrunda mübarizədə güləşçimizin rəqibi Əlcəzair təmsilçisi Sid Azara Bagir olub.

R.Hüseynov rəqibinə vaxtından əvvəl - 10:1 hesabı ilə qalib gələrək finala vəsiqə qazanıb.

***

IV İslam Həmrəyliyi Oyunları çərçivəsində Heydər Əliyev adına İdman Arenasında güləş yarışlarına start verilib. Yarışlarda sərbəst, yunan-Roma və qadın güləşi üzrə yığma komandamız mübarizə aparır.

Mayın 17-də - yarışların ilk günündə yunan-Roma güləşi üzrə 59, 71, 80 və 98 kiloqram çəki dərəcələrində idmançılar xalça üzərinə çıxırlar.

Gün ərzində dörddəbir final mərhələsində 59 kiloqram çəki dərəcəsində komandamızın üzvlərinin iştirakı ilə aşağıdakı görüşlər keçiriləcək: Murad Məmmədov - M.Nurbaxş (İran), 71 kiloqramda A.Budjemline (Əlcəzair) - Rəsul Çunayev, 80 kiloqramda A.Azisbekov (Qırğızıstan) - Rafiq Hüseynov, 98 kiloqramda T.Raza (Pakistan) - Orxan Nuriyev Final görüşləri isə saat 18:00-da başlayacaq.