Anar Nağılbazın ölümündən öncəki şok məktubu ÜZƏ ÇIXDI - Ürək dağlayan SÖZLƏR/VİDEO

ARB TV-nin “Show news” proqramının növbəti müsahibi mərhum reper Anar Nağılbazın həyat yoldaşı Anjelika olub.

Anjelika Cəbiyeva heç kəsin görmədiyi və oxumadığı bir məktub tapdığını deyib. Orada yazılanlar isə görənləri heyrətləndirib.

Publika.az xəbər verir ki, Anjelika günlərdir Anarı yuxusunda gördüyünü və çox narahatlıq keçirdiyindən onun əşyalarını məscidə vermək qərarına gəldiyini deyib:

“Anarı yuxumda gördüm. Dedi ki, tərpənə bilmirəm. Üzü həm görünürdü, həm görünmürdü, qarışıq yuxu gördüm. Fikirləşdim, bəlkə paltarları qalıb ona görə ruhu narahatdır. Yaxşı olardı ki, ailəmiz dağılmayaydı. Özünə də demişdim ki, gün gələcək ailəmizi dağıdacaqlar, peşman olacaqsan. Anarın oğlunu ləkələmək istəyənlər bilsin ki, vaxt gələcək Anarın ətrafında fırlandıqları kimi Tamerlanın da ətrafına fırlanacaqlar. Qızım dedi ki, atamçün darıxmışam. Dedim gedərik qəbri üstə, dedi, daşı yox, atamı görmək istəyirəm. Bizdən uzaq olsa belə, bilirdim ki, ataları var”.

Reperin oğlu Tamerlan atasının arzularını gerçəkləşdirəcəyini bildirib:

“Atamın mahnılarını ifa etmək istəyənlər məndən icazə almalıdırlar. Çünki mən atamın yeganə oğluyam. Atamın arzularını gerçəkləşdirəcəm. Polis olmaq istəyirdim, atam məni hər zaman dəstəkləyirdi”.