• USD 1,7000 0,00% EUR 1,9027 -0,22%
    • GBP 2,1179 -0,36% RUB 0,0270 0,00%

Əməkdar artistdən ilginc sözlər: "Bu, mənim ürəyimin tələbidir" - VIDEO

  • Magazin1
  • 24 İyun 2019 17:56
  • 794 Baxış
Əməkdar artistdən ilginc sözlər: "Bu, mənim ürəyimin tələbidir" - VIDEO

Müğənni Şölə Səfərəliyeva yeni klipini təqdim edib.

Publika.az xəbər verir ki, Əməkdar artist Şölə Səfərəliyeva sözləri Gülnar Sultanova və musiqisi Fərid Kərimliyə məxsus olan “Ürəyin tələbi” adlı mahnısına klip çəkdirib.

Müğənni belə bir mahnını uzun zamandır gözlədiyindən söz açıb: “Bəstəkar ilk dəfə mahnını təqdim edəndə, elə ilk notlarından dedim ki, bəli, bu, mənim mahnımdır. Nəzərə alsaq, mahnının adı “Ürəyin tələbi”dir. Dedim, Fərid bu, həqiqətən də mənim ürəyimin tələbi olan mahnıdır. Belə bir mahnıya ehtiyacım vardı. Tez bir zamanda səsləndirdim və yenidən aranjiman etdirərək, klip çəkdirmək qərarına gəldim”.

Səfərəliyevanın sözlərinə görə, klipin ssenarisi də əsasən öz fikridir: “Klipi iki günə çəkdik. Çəkiliş gün ərzində 6-7 saat davam etsə də, yorulmurdum. Çox maraqlı keçirdi. Klip ssenarisi, əhval-ruhiyyə öz fikrim idi, rejissorla da məsləhətləşdik, nəticədə hər ikimizə uyğun kadrlar çəkildi. Klipdə fərqli görünməyə çalışdım”.

Klipin rejissoru Dr. Nicat Zeynallıdır.

Qeyd edək ki, Şölə Səfərəliyeva uşaqlıqda “Bəribax” uşaq kvartetinin, hazırda isə “Qaya” ansamlının solistidir. Bundan başqa o, bir neçə ildir ki, solo fəaliyyət də göstərir.

Sevinc Xanqızı

loading...

Xəbər lenti

DAHA ÇOX XƏBƏR