Aysel Əlizadədən ŞOK SÖZLƏR: “Həmin o qadın cinsinə ləkə gətirən...”

“Ağaca güvənə bilərsən, çünki bilirsən ki, alma ağacı alma, ərik ağacı ərik verir. Heyvanlara güvənə bilərsən, çünki şir şir kimi davranır, meymunluq etməz. Ata güvənə bilərsən, çünki at yorulsa da, yara alsa da öz sahibini sonadək mənzilinə çatdırır, sadiqdir. Amma insanlara güvənə bilmərsən, zira onlar üzünə gülümsəyərkən arxasında xəncər saxlayan və gizləyən tək varlıqdırlar”.

Publika.az xəbər verir ki, bu sözləri tanınmış müğənni Aysel Əlizadə sosial şəbəkədə yazıb. Son günlərdə depressiv statusları ilə diqqət çəkən məşhur vəfasızlıqdan giley-güzar edib. “Gözlərin danışdığı dil hər yerdə eynidir, yetər ki, onu anlamağa çalışan insan olsun” yazan müğənni sözlərinə belə davam edib:

“Dəfələrlə şahidi olmuşam, canım, bacım, cicim, quzum deyib arxasından elə murdar işlər çevirən pis varlıq var ki, onlardan uzaq olmaq lazımdır. Bu həyatda heç kimə güvənməyəcəksən... Allaha yaxın, bizdən uzaq olsunlar. Həmin o qadın cinsinə ləkə gətirən bu yazımı oxuyanda anlayacaq kimdən danışıram. Bəli, sən ağıllı ol! Dəvə kolluğa girib, elə bilir ki, heç nə görmürük”.

Qeyd edək ki, bir neçə ay əvvəl evli iş adamı Elçin Nəcəfovun keçmiş həyat yoldaşı Xoşqədəm Hidayətqızının verilişinə çıxaraq ailəsinin dağılmasında müğənni Aysel Əlizadəni günahlandırmışdı.