Xalq artistinin oğlu qəzəbləndi: “Heç kimin əli altında işləməyəcəm”

Aktyor və müğənni Cavidan Novruz çalışdığı restorandan ayrılıb.

Publika.az xəbər verir ki, aktyor bu barədə instaqramda məlumat yayıb. Bildirib ki, öz biznesini qurmağa qərar verib:

“Dostlar uzun zamandır daimi işlədiyim məkandan ayrıldım, dünən bir daha əmin oldum ki, gərək özün öz işinin rəhbəri olasan! Çünki hər şeydə olduğu kimi kiçik insanları bir işə təyin edəndə özlərini böyük görürlər! Sadəcə arada sərf etdiyimiz zaman heyf oldu! Hər kəs hər yerdə öz adamını dürtür! Qabağa çəkir, bir vəzifəyə təyin oldusa öz nəslində ən uğursuz, şansız bir insanı gətirir! Bundan sonra heç kimin əli altında işləməyəcəm, özüm öz işimin rəhbəri olacam! Bəzi insanlar var ki, bu gün bilə-bilə nədəsə dəstək olmadılar, elə bu instaqram səhifəmdə də var o insanlar! Elə bilməyin ki görmürəm, diqqət etmirəm, inanın ki görürəm və diqqət edirəm, sadəcə görməzdən gəlirəm (sizlər kimi ) və bu yolda mənlə olan dostlarıma təşəkkürlər. Gözəl komandamla yalnız irəli! Bu gün dəstək umduğum insanlar sabah nədəsə mənə ağız açsa, güzəşt etməyəcəm. Çünki dəfələrlə etmişəm, indi anladım ki, daha lazım deyilmiş!”

Qeyd edək ki, Cavidan Novruz Xalq artisti Ramiz Novruzun oğludur.