Afət Fərmanqızı Rusiyaya gedən müğənnilər haqda: 10 nəfər bir otaqda...

Müğənni Afət Fərmanqızı ARB televiziyasında açıqlamaları ilə diqqət çəkib.

Publika.az Teleqraf.com-a istinadla xəbər verir ki, o, həmkarı Şəbnəm Tovuzluya söz atıb: "Çox populyar müğənnilərdən avtomobili, evi kreditdə olanlar var. Kreditim yoxdur, hər zaman ayağımı yorğanıma görə uzadıram.

Məsələn, Şəbnəm Tovuzlu ilk öncə konsertlərə yatırım edir. Özü dedi ki, avtomobilinin krediti var. Axı sən niyə kreditdə olmalısan? Toy mərasimlərinə kifayət qədər baha pula gedirsən. Sənin indi Bakının mərkəzində 6 evin olmalı idi. Onları kirayə verib, indi də oturub pullarını yeyərdin".

Müğənni Moskvaya toy mərasimlərinə gedən müğənnilərdən də danışıb: "Bir çox müğənnilər gedib Moskvada oturublar. Camaat da bilir ki, onlar oradadırlar, toya ucuz qiymətə gedəcəklər. Neyləsinlər?

Məni toy mərasiminə dəvət etdilər, baha qiymət dedim. Bilirsiniz ki, onlar orada nə vəziyyətdə yaşayırlar?! Mən bilirəm ki, Rusiyada zülm çəkirlər. Qadınlar üçün lap çətindir. Elələri var ki, bir otaqda 10 nəfər yerə döşək atıb yatır. Allah onlara səbr versin".