Başında beyin olmazsa, gözəlliyin bir qəpiyə dəyməz - İradə

Öz aləmində məndə səhv, nöqsan tapmağa çalışanlara səslənirəm. Öncə hər yaradılışda Yaradanı gördüyüm üçün sizin “Çox arıqsan, yaraşmır”, “Çökmüsən”, “Çirkinsən” kimi nə görən ürəyinizdən, nə də sözlərinizdən incidiyim üçün yazmadığımı qeyd etmək və nacizanə səslənmək istəyirəm.

Publika.az xəbər verir ki, bu sözləri müğənni İradə İbrahimova instaqramda fotolarını tənqid edənlərə cavab olaraq yazıb.

“Qızlar, təhsil alın, özünüzü tərbiyə edin, inkişaf edin. Heç kimin və heç nəyin sizi susdurmağına, bir tikə kimi udmağına icazə verməyin. Sosial media sadəcə selfi və “swipe up” üçün istifadə etdiyimiz bir platforma deyil. Olmamalıdır...

Qadın dediyimiz varlıq sadəcə pal-paltar, makiyaj, gül-çiçək, oyuncaq deyil. Mənfi keyfiyyətlər də nümunə deyil. Oyanın! Bir zamanlar “Mercedes”in keyfiyyətsiz maşınlar üçün dediyi şüar kimi: “O başında beyin olmazsa, gözəlliyin bir qəpiyə dəyməz”. Qadın haqqın nurudur, halikdir, məxluq deyil. Qadın insanlığın, mədəniyyətin aynasıdır”.