Kənan M.M: "Bunu özünə edən qadın kişiyə nələr etməz" - VİDEO

Rejissor və aktyor Kənan M.M maraqlı açıqlaması ilə gündəmə gəlib.

Publika.az xəbər verir ki, “Mən” adlı “Youtube” layihəsinə qonaq olan aktyor kişi-qadın münasibətlərindən danışıb.

O, öküz ruhlu adam olduğunu etiraf edib: “Sevgi şeirləri istedadım olduğu üçün yazıram. Sevgi insanların anlayışına görə dəyişir. Yaşlı və imkanlı dayıların yanında model qızlar görəndə o sevgiyə inanmıram. O qızların fotolarına “My love” yazıb paylaşması inandırıcı deyil. Əgər o qız onu sevirsə, Allah mənim bəlamı versin. Mənə gəldikdə isə sevgi öz azadlığından könüllü şəkildə imtina etməkdir. Darıxırsansa, yemək boğazından keçmirsə, onu fikirləşirsənsə, sevirsən. Sevgi bir neçə ildən sonra tərkibini yox, formatını dəyişir”.

Kənan M.M qadının xoşbəxt və bədbəxt, əxlaqlı ya da əxlaqsız olmasında kişinin vacib rolu olduğunu bildirib: “Sən və mən (iraq bizdən) yaxud da bizdən kimsə, hüdürdaban ayaqqabı geyinib nə qədər dayana bilərik? 10 ya da 15 dəqiqə…

Amma bunların ömrü bu ayyaqqabı üzərində keçir. Qadın hündürdaban ayaqqabı geyinəndə onu rentgen etsən görərsən ki, özünə necə zülm edir, əziyyət verir.

Sümükləri az qala qatlanır. Bunu özünə edən qadın, düşün, kişiyə nələr etməz. 300-400 AZN verib, makiyaj etdirib sonra onu silib yatırsa, səni, ya da məni silməyə nə var ki…

Qadın güclü varlıqdır. Onun xoşbəxt və bədbəxt, əxlaqlı-əxlaqsız olmasında (bəziləri istisna olmaqla) kişilərin bilavasitə əli var.

Mən burada kişilərdən söhbət edirəm. Qadının fahişə olmasında da kişinin əli var. Əxlaqlı olmasında da kişinin rolu var”.