Məşhurlar birinciləri belə yola saldı - FOTO

Bu gündən yeni dərs ili başlayıb.

Publika.az xəbər verir ki, övladlarını məktəbə yola salanlar arasında məşhurlar da olub. Tanınmışlardan bəziləri övladını ilk dəfə yola salır, bəziləri isə artıq ikinci və üçüncü ilindədir. Onlar məktəbdə çəkilən şəkilləri sosial şəbəkədə paylaşaraq bütün şagirdlərə uğurlar arzu ediblər.

Qızını məktəbə yola salan Abdulla Şaiq adına Azərbaycan Dövlət Kukla Teatrının aktyoru Cavid Telman sosial şəbəkədə fotolar paylaşaraq ona uğurlar arzu edib: “Bu gündən bizdə də “Ay bala, dur yazı yaz, ay bala, dur dərs oxu, ay bala, dur, dərsə gecikdin” sözlərinə start verildi. Qızım başda olmaqla bütün birinciləri təbrik edirəm”.

Aktyor İlkin Misgərli qızını bu sözlərlə yola salıb: “Canım Zeynəbim, ilk dərs günün mübarək. Bütün birinciləri təbrik edirəm”.

“ASAN Radio”nun rəhbəri Emin Musəvi də bu gün qızını birinci sinfə yola salan atalardan biri olub: “İlk dərs günü münasibətilə 1-ci sinif şagirdlərini, məktəbə gedən uşaqlarımızı ürəkdən təbrik edirəm!”

Müğənni Elmira Ələkbərzadə isə oğlu Davidi məktəbə yola salıb: “Birinci dəfə birinci sinif! Yolun açıq olsun, kralım David”.

Əməkdar artist Gülüstan Əliyeva nəvəsini məktəbə yola salmaq həyəcanını yaşayıb. Müğənni məktəblilərə uğurlu dərs ili arzu edib: “Əziz balalar, Allah sizə zehin açıqlığı, uğur nəsib etsin. Azərbaycanımızın gələcəyi sizə əmanətdir”.