Nərgiz Paşayevanın qızı müjdəni verdi - FOTO

Əfsanəvi qış nağılı paytaxtımızın mərkəzinə geri qayıdır! Dekabrın 1-dən başlayaraq “Nargis” Fondunun təşkilatçılığı və dəstəyi ilə Fəvvarələr meydanında “Soyuq əllər, isti ürək” xeyriyyə yarmarkası keçiriləcək.

Publika.az xəbər verir ki, bu barədə “Nargis” jurnalının təsisçisi Ülviyyə Mahmidova instaqramda məlumat verib. O, bildirib ki, yarmarka bir ay sonra yenidən sakinlərə xidmət göstərməyə başlayacaq.

Qeyd edək ki, 7 ildən çoxdur ki, “Soyuq əllər, isti ürək” yarmarkası paytaxtımızın sakinlərinə və qonaqlarına əsl Yeni il ab-havasını və sehrli əhval-ruhiyyə bəxş edir.

Qeyd edək ki, xeyriyyə fondu 2012-ci ildə “Nargis” jurnalının baş redaktoru Ülviyyə Mahmudova tərəfindən Azərbaycanda xeyriyyə ənənələrini yaşatmaq və davam etdirmək məqsədilə təsis edilib, 2013-cü ildə isə aktiv fəaliyyətə başlayıb. Məhz o zaman bu gözəl ənənənin - "Soyuq əllər, isti ürək" xeyriyyə yarmarkasının təməli qoyulub. Təsis olunduğu gündən etibarən fond tərəfindən bir sıra xeyriyyə layihəsi, uşaq evləri və qocalar evlərinə, aztəminatlı ailələrə maddi dəstək, habelə müxtəlif xəstəliklərdən əziyyət çəkən uşaqların müalicə və əməliyyatları həyata keçirilmişdir. 2019-cu ildən etibarən Fondun tərəfindən Novruz bayramına həsr olunan yaz yarmarkası - “Torpaq əlimdə, bahar ürəyimdə” təşkil edilir.

Qeyd edək ki, Ülviyyə Mahmudova professor Nərgiz Paşayevanın və rəssam Altay Sadıqzadənin qızıdır.