Zamiq travmalarından danışdı: Siz isti yuvada oturanda mən çadır şəhərciyində...

Bir gün bir ortamda oturmuşdum, hər kəs uşaqlığından danışırdı. Bizim dövrümüzdə olan bir neçə cizgi filminin adını çəkdilər və mən bu cizgi filmlərindən xəbərsiz olduğum üçün mənə güldülər. Mən isə içimdə kövrələrək ürəyimdə dedim ki, siz isti yuvada oturub o filmlərə baxanda çadır şəhərciyində bizim nəinki cizgi filminə baxmağa imkanımız, televizorumuz və yatmağa belə yerimiz yox idi”.

Publika.az xəbər verir ki, bu sözləri müğənni Zamiq Hüseynov instaqramda yazıb. Uşaqlıq travmalarından danışan sənətçi bildirib ki, çətin günlər onu heç vaxt ruhdan düşməyə qoymayıb:

“Belə şeylər mənə həmişə güc verirdi. Bu gün Azərbaycan musiqisinə, mədəniyyətinə şərəflə xidmət edirəm və buna görə çox xoşbəxtəm. Əziz oğlum, Allah mənə güc versin, çalışacam ki, məndə olmayanlar səndə olsun. Çox təəssüf ki, insanlar tanımadan, bilmədən, xəbərdar olmadan kiminsə arxasınca danışmağı, gülməyi və qeybət etməyi sevirlər, Allah bütün övladların bəxtini gözəl etsin”.

View this post on Instagram

A post shared by Zamiq Hüseynov (@zamighuseynov)