Məşhur müğənni prezidentlə görüşdü

Məşhur müğənni Demet Akalın Dolmabahçe sarayında iftar yeməyində görüşdüyü prezident Ərdoğandan ötən il koronavirus tədbirləri çərçivəsində tətbiq edilən 12:00-dan sonra canlı musiqi qadağasının aradan qaldırılmasını xahiş edib.

Publika.az xəbər verir ki, bu barədə sənətçi sosial mediada məlumat yayıb.

Türkiyədə pandemiya öz təsirini itirdikdən sonra bir çox qadağalar aradan qaldırılsa da, musiqi qadağası davam edir. Bununla bağlı sənətçilər sosial şəbəkələrdə etirazlarını bidirsələr də, heç bir nəticə yoxdur.

Mövzu ilə bağlı sosial media hesabından paylaşım edən müğənni Cenk Eren “Görəsən, prezidentimizin iftar süfrəsində iştirak edən hörmətli sənətçilərimiz musiqi qadağasını gündəmə gətiriblər? Bizi məlumatlandırsalar, məmnun olarıq” deyib.

Demet Akalın bu paylaşıma cavab olaraq “Məlumat verim... Təbii ki... bəlkə heç kimin cəsarəti çatmadı, amma bütün musiqiçilər adından xahiş etdim. Prezident hətta mədəniyyət nazirini də yanına çağırdı. Məsələ ilə bağlı işə başlayacaqlarına dair söz aldım. Gözləyəcəyik” sözlərini yazıb.