Sibel Canın konsertində şəhidlərimizin xatirəsi yad edildi - FOTO

Türkiyənin məşhur müğənnisi Sibel Can Bakı Konqres Mərkəzində konsert proqramı ilə çıxış edib.

Publika.azxəbər verir ki, Sibel Can konsertində Qarabağ zəfərimizə görə təbrik edib:

“Hörmətli Prezident İlham Əliyev və birinci xanım Mehriban Əliyeva başda olmaqla, Qarabağın işğaldan azad edilməsi münasibətilə bütün Azərbaycan xalqını təbrik edirəm. Zəfəriniz zəfərimizdir. Qarabağ Azərbaycandır!”

İfaçı konsertində şəhidlərimizin xatirəsini bir dəqiqəlik sükutla yad edilməsini də istəyib.

Sibel Can ölkəmizə üç il əvvəl gəldiyini vurğulayıb: “Bakıya üç il əvvəl Ruhi Əliyevanın doğum günündə gəlmişdim. Təkrar sizinlə bir arada olmaq mənim üçün çox qiymətlidir. Azərbaycan hər sənətçi üçün çox dəyərli ölkədir. Çünki bu qədər musiqi ilə maraqlanan, sənətçiyə hörməti... Hər biriniz dəyərsiniz. Burada mahnı ifa etmək şərəfdir. Hər birinizə təşəkkür edirəm”.

Sibel Can konsertdə məşhur mahnılarını ifa edib.

Qeyd edək ki, konsert “Peachline и Kevents Group”un təşkilatçılığı ilə baş tutub.