Magazin1

Reza Deqati xanımı ilə evliliklərinin 30 illiyini qeyd etdi - FOTO

16 Avqust 2022 10:42

Dünya şöhrətli fotoqraf Reza Deqati həyat yoldaşı Reyçel Deqati ilə fotokamera qarşısına keçib.

Publika.az xəbər verir ki, cütlük evliliklərinin 30-cu ildönümü münasibətilə fotosessiya etdirib. Cütlüyü fotoqraf Orxan Aslanov lentə alıb.

Qeyd edək ki, Reza Deqati 55 ildir fotoqraf kimi fəaliyyət göstərir və bu günə qədər dünyanın müxtəlif ölkələrində 460-dan çox sərgisi keçirilib. Onun “National Geographic”, “Paris Match”, “Stern”, “Figaro”, “New York Times” kimi məşhur jurnallarda 10 mindən artıq fotosu dərc olunub. Azərbaycan həqiqətlərinin dünya ictimaiyyətinə çatdırılmasında çoxillik səmərəli fəaliyyətinə görə Reza Deqati bu yaxınlarda “Dostluq” ordeni ilə təltif edilib. Bundan başqa, Reza Deqati yazıçı xanımı Reyçel Deqati ilə birlikdə 1992-ci ildə Parisdə Webistan Foto Agentliyinin əsasını qoyublar.