Reper geri döndü - Tufan qopdu - FOTO

Dünən axşam reper Orxan Zeynallının 6 ildən sonra ilk konserti baş tutub.

Publika.az xəbər verir ki, sənətçinin konsert biletləri 20 saat ərzində satılıb. Konsertə giriş üçün sıra isə 3 saat öncə düzülüb. 3 mindən çox insanın iştirak etdiyi tədbirdə Orxan Zeynallı 26 mahnı səsləndirib.

Canlı konsert zamanı ona müğənnilər Bahar, Tomris, Mərdan Kazımov, Röya Miriyeva və başqaları yoldaşlıq edib. Anşlaqla keçən konsertə tamaşaçıların mahnıları reperlə birgə səsləndirməsi də damğa vurub.

Qeyd edək ki, 50-dən çox komanda üzvünün çalışdığı iki günlük konsert bu gün "Elektra Events Hall"da yekunlaşacaq.

Xatırladaq ki, tədbirin bütün biletləri anons çıxandan üç gün sonra satılıb.

Посмотреть эту публикацию в Instagram

Публикация от Orkhan Zeynalli