"Toppuş bacı"nın qızı ilk qonorarını ondan aldı - VİDEO

O qədər yeri görünür ki, hərdən az qala harda olduğunu soruşmaq istəyirsən, niyə gəlməyib... Amma bu gün onun yadigarı, ciyər parası Zəhra yanımızdadır, anasının yolunu davam etdirir, həm də çox istedadlı qızdır. O, böyüyüb öz adından bəhs etdirəcək.

Publika.az xəbər verir ki, bu sözləri Əməkdar artist Dilarə Əliyeva ötən gün ARB kanalında Xoşqədəm Hidayətqızının "Günaydın Azərbaycan" verilişində qonaq olarkən "Toppuş bacı" ləqəbi ilə tanınan mərhum aktrisa Tünzalə Əliyeva haqqında deyib.

Sənətçi bildirib ki, Zəhranın böyük və parlaq gələcəyi olan aktrisa olmaq şansı yüksəkdir.

Verilişdə məlum olub ki, Zəhra Əliyeva ilk qonoranını Dilarə Əliyevadan alıb.

"İkinci Bahar" serialında çəkilən qızı Zəhranın görüntülərini instaqramda paylaşan atası Röyal Əliyev duyğulandığını qeyd edib:

"Həyat mənim üçün geri dönüb. Tünzalə Əliyeva ilə yaşamağa davam edirəm. Bəzən yol gedərkən tanımadığımız insanlar yaxınlaşırrlar, Zəhrama nəvaziş göstərirlər. Bu, məni duyğylandırır".