Alim Qasımov əsəbiləşdi: "Nə dediyimi bilmirəm"

Məşhur muğam ifaçısı Alim Qasımovun Binəqədi rayonunda, Heydər Əliyev məscidinin yaxınlığında yerləşən villasının 5 milyona satışa çıxarılması barədə elan saytlarında yerləşdirilən məlumata reaksiyası anlaşılmazlıqlara səbəb olub.

Publika.az Kult.az-a istinadən xəbər verir ki, Alim Qasımov saytlardan bəzilərinə verdiyi açıqlamada villada ailəsi ilə yaşadığını bildirsə və satışa qoyulduğunu təkzib etsə də, növbəti açıqlamasında villanın ümumiyyətlə özünə aid olduğunu inkar edib (guya dostununmuş).

Satış elanının təsadüfən yayılmadığını, eyni zamanda Alim Qasımovun təzadlı açıqlamasını nəzərə alaraq, bir daha aydınlaşdırmaq zərurəti yarandı: Villa doğrudanmı satılmır? Alim Qasımov villanın ona məxsus olduğunu niyə inkar edir?

Xalq artisti saytımızın bu istiqamətdə sorğusuna cavab olaraq bildirib ki, əsəbləri yerində olmadığından hansı sayta nə dediyini xatırlamır:

“Jurnalistlərə cavab verməkdən yoruldum. Boş verin getsin. 40 ildir oxuyuram, belə reklamım olmamışdı. Mənim əsəblərim pozulub, nə dediyimi bilmirəm”.