Türkiyəli sənətçilər Polad Həşimovdan yazdı - “Necə möhtəşəm insan...’’

Türkiyəli sənətçilər Tovuz istiqamətində gedən döyüşlərdə həlak olan şəhidlərimizi İnstaqram hesablarında yad edib.

Publika.az xəbər verir ki, Ebru Gündeş, Oktay Kaynarca, Çağla Şikel, Işın Karaca, Serdar Ortaç, Gülben Ergen, Alişan və digər görkəmli sənət nümayəndələri xalqımıza başsağlığı verib. Onlar Türkiyə və Azərbaycan bayraqlarını paylaşaraq öz dəstəklərini, iki dövlət, bir millət olduğumuzu ifadə ediblər.

Gülben Ergen paylaşımında “Acınız acımızdır” yazıb.

Oktay Kaynarca da Azərbaycan xalqına başsağlığı verib.

Işın Karaca Bakıda baş tutan yürüşdən görüntü yerləşdirib və “Türkün türkdən başqa dostu olmaz” sözlərini yazıb.

Müğənni Alişan isə qəhrəmancasına şəhid olan general-mayor Polad Həşimov barəsində paylaşım edib. O, generalın fotosunu İnstaqram səhifəsinin hekayə bölümündə yayımlayaraq bu sözləri yazıb: “Necə möhtəşəm insanmışsan. Nə gözəl ürəyə sahibsənmiş. Məkanın cənnət olsun. Nur içində yatasan’’.

Daha sonra o digər paylaşımında Azərbaycan və Türkiyəyə məxsus foto yayımlayaraq “Şəhidlərimizə Allahdan rəhmət diləyirəm. Can Azərbaycan’’ sözlərini qeyd edib.