Özcan Dənizdən HƏYAT DÜSTURU: - Xoşbəxt olmaq intellektual seçimdir

Müğənni və aktyor Özcan Dəniz hesab edir ki, xoşbəxtlik intellektual bir seçimdir

Publika.az Türkiyə mətbuatına istinadla xəbər verir ki, keçmiş həyat yoldaşı Feyza Aktandan qalmaqallı şəkildə ayrılan ulduz oğlu Kuzeylə fotolarını instaqramda paylaşıb. Onun paylaşımına yazdığı duyğusal sözləri xüsusilə diqqət çəkib.

“Bu gün qarpızını yeyib öz-özünə mahnı oxuyarkən üzümdə axmaq sevgi dolu təbəssümlə sənə baxdığımı gördün. Sonra soruşdun.

- Ata...

- Söylə, oğlum.

- Mənə yaraşır?

- Nə yaraşır oğlum?!

- Xoşbəxtlik.

- Atan qurban olsun, xoşbəxtlik hər kəsə yaraşır. Uşaqlara çox yaraşır, xüsusən də sənə, oğlum.

- Sənə də ata.

Sonra dünyanın ən gözəl gözləri ilə yeməyə davam etdin. Həyatımın ən gözəl, alt mətnlə dolu söhbətini etdik. Haqqında kitablar yazılası dolu bir an idi.

Bəli oğlum, xoşbəxtlik intellektual seçimdir. Buna hər kəs nail ola bilməz... Bu dünya sənin 4 yaşında qavradığın, amma bir ömür boyu qavradıqlarını qavraya bilməyən cahil insanlarla doludur. Hər kəsə və hər şeyə baxmayaraq, özünə yaraşanı et və xoşbəxt ol... Amma heç vaxt bunu başqalarının bədbəxtliyi üzərində qurma! Atanız zaman-zaman bilərəkdən və bilməyərəkdən “xoşbəxtlik düşmənlərinə” bu fürsəti verib. Təbii ki, bu “fürsət” bir daha heç kimə verilməyəcək! Bu səhvə yol verməyin. Bəli, oğlum hər ikimizə çox yaraşır. Səni çox sevirəm, canım oğlum...” , - aktyor sonda qeyd edib.