Kulisdən öpüş görüntüləri yayılan ulduz danışdı - VİDEO

Bodrumda baş tutan konsert proqramında Cenk Erenlə kulisdə öpüşərkən görüntülənən Ajda Pekkan açıqlama verib.

Publika.az Türkiyə mətbuatına xəbər verir ki, 76 yaşlı müğənninin Bodrumdakı Günay restoranında eyni səhnəni paylaşdığı müğənni Cenk Erenlə öpüşdüyü iddiaları ortaya atılıb. Bu barədə sərt açıqlama verən ulduz bildirib ki, Cenk Eren səhnədən kulisə girərkən o, səhnəyə çıxmaq üzrə olub.

“Dodaqdan öpüşmək olmadı. Xüsusilə indi pandemiyadır! Cenkin səhnəsi bitdi, o girəndə səhnəyə çıxırdım. Əlimdən tutub yanağımdan öpərək təbrik etdi. Bu tamamilə əsassız xəbərdir”, - müğənni əlavə edib.

İllər əvvəl Zeki Mürenlə səhnəyə çıxmazdan əvvəl dodaq-dodağa öpüşməyi ənənəyə çevirən Ajda Pekkan bu məsələyə də aydınlıq gətirib:

“Zəki bəy bizim sənət günəşimiz idi. Bu həm də şans öpüşü idi. İllər sonra belə bir şey ola bilərmi? Cenk sadəcə mənim həmkarımdır. Zeki Mürenlə illərdir bir yerdə işləmişik, bacı-qardaş kimi olmuşuq. Qazino dövrü ilə bu günlər çox fərqlidir”.