Supermodelin qırmızı xalça performansı qəlbləri fəth etdi - FOTO

Afro-Yamayka və Çin-Yamayka əsilli britaniyalı supermodel Naomi Kempbelin 78-ci Kann Film Festivalının qırmızı xalçasında "Fuori" bioqrafik dramının premyerasındakı çıxışı böyük səs-küyə səbəb olub.

Publika.az bu barədə xarici mətbuata istinadən xəbər verir.

54 yaşlı supermodel yüzlərlə qızıl daşla işlənmiş dramatik şəffaf qara setka paltarı ilə göz qamaşdırıb. Möhtəşəm geyim ulduzun fiqurasını xüsusi vurğulayıb və orada olan hər kəsin diqqətini çəkib.

Görünüş parlaq qırmızı sırğalar və brilyant üzüklərlə tamamlanıb. Naomi dekolte bölgəsində bər-bəzəkdən vaz keçərək cəsarət və zərifliyə üstünlük verib. Hündürdaban ayaqqabılar səhnə ansamblını tamamlayıb, modelə hündürlük və zəriflik bəxş edib.

Qeyd edək ki, "Fuori" Qoliarda Sapienzanın "Rebibbiya Universiteti" avtobioqrafik romanı əsasında rejissor Mario Martone tərəfindən 2025-ci ildə çəkilmiş bioqrafik dram filmidir. Film yazıçının qadın həbsxanasındakı həyatından və daxili transformasiyasından bəhs edir.

Adəm