Makedoniyalı İskəndərin başı tapıldı - FOTO

Arxeoloqların Düzcedəki Konuralp Antik Şəhərində apardıqları qazıntı zamanı Makedoniyalı İskəndərin heykəlinin başı tapılıb. Əsər muzeyə təhvil verilib.

Publika.az “Haber Global”a istinadən xəbər verir ki, kritik kəşfin ünvanı Düzcedə olub. Mütəxəssis arxeoloqlar tərəfindən 4 ildir qazıntılar davam edir. Qazıntılar çərçivəsində qədim teatrın böyük hissəsi ortaya çıxarılarkən, yuxarı hissədə aparılan qazıntılarda Apollon heykəlinin başı və Meduzanın başı kimi oxşar tarixi xarabalıqlara rast gəlinib.

Konuralp Antik Teatrı qazıntı sahəsində aparılan qazıntılar zamanı antik teatr sahəsinin yuxarı hissəsində torpaqda portret başının olduğu müəyyən edildikdən sonra arxeoloqlar tərəfindən ehtiyatla xilasetmə qazıntısı aparılıb. Qazıntılar və Araşdırmalar Departamenti tərəfindən bu tapıntının Makedoniya kralı Makedoniyalı İskəndərə aid olduğu müəyyən edilib. Ölçüsü 23 santimetr olan əsərin eramızın II əsrində Roma dövrünə aid olduğu müəyyən edilib. Tarixi əsər Konuralp Muzeyinə göndərilib.

Aysel Şahmar