İnanc

Hər kəsin sevərək izlədiyi verilişin yayım VAXTI DƏYİŞDİ

17 May 2021 15:50

Azərbaycan teleməkanının ən baxımlı, ən reytinqli dini proqramı olan, "Space"də canlı olaraq yayımlanan "İnam" verilişi yeni efir vaxtında tamaşaçılarının görüşünə gələcək.

Publika.az xəbər verir ki, telekanalın yeni rəhbərliyinin qərarı ilə ideya müəllifi və aparıcısı Qarabağ Seyid Ocaqlarının rəhbəri, tanınmış şərqşünas Seyid Camal Əzimbəyli olan proqram hər cümə saat 21:50-də efirdə olacaq.

Yüz minlərlə tamaşaçısı olan proqramda İslam dini ilə bağlı maarifləndirici müzakirələrin təşkili ilə yanaşı, milli-mənəvi dəyərlərimizin təbliği istiqamətində böyük işlər görülür. Şəhid, qazi ailələrinin də böyük rəğbətini qazanan verilişdə hər cümə ilahiyyatçıların iştirakı ilə biri-birindən maraqlı, cəmiyyətimiz üçün son dərəcə faydalı olan mövzularda müzakirələr açılacaq.

Qeyd edək ki, hər kəsin sevərək izlədiyi, böyük maariflənidirici yükü olan, mənəvi dünyamızın zənginliyinə xidmət edən veriliş Ramazan ayında hər gün yayımlanırdı.