İsrail rəsmilərinin Milad paylaşımları sosial medianı qarışdırdı

İsrailin baş naziri Binyamin Netanyahu və İsrail ordusunun xristian dünyasına yönəlmiş Milad yazısı sosial media istifadəçilərində reaksiyalara səbəb olub.

Publika.az xəbər verir ki, Netanyahu “X” sosial media hesabında Milad bayramı ilə əlaqəli paylaşım edib. “Canavarlarla qarşı-qarşıyayıq. Uşaqları valideynlərinin gözü qarşısında öldürən, valideynləri övladlarının gözü qarşısında öldürən, qadınları zorlayıb başlarını kəsən, körpələri diri-diri yandıran, körpələri girov götürən canavarlar...”,- deyə o qeyd edib.

Çoxsaylı sosial mediya istifadəçi Netanyahunun paylaşımına cavab verib.

İsrail ordusunun Milad postu da reaksiya ilə qarşılanıb. Qəzzadakı hücumlar nəticəsində dağıdılan kilsənin fotosunu paylaşan səhifə “Dünyanın üçüncü ən qədim pravoslav kilsəsini İsrailin bombaladığını xatırlayın” yazıb.

Bəzi sosial media istifadəçiləri də İordan çayının qərb sahilində yerləşən tarixi Beytlehem şəhərində bombalanmış kilsənin görüntüsünü paylaşıblar. Onlar paylaşımlarda bu sözlərdən istifadə ediblər:

“Mənə yeni ildə xoşbəxtlik arzulamayın”, “Milad günündə İsanın doğulduğu yerə zərər vermək inanılmaz dərəcədə dəlilikdir”.

Aysel Şahmar