Yatdığı qızlara “bacı” deyən prezident, Hitlerin məşuqu olan “axmaq inək” – Liderlərin QƏRİBƏ ADLARI

Bir çox rəhbərlər, liderlər dövlət titulları ilə yanaşı, xalq arasında qəribə ləqəbləri ilə də məşhurdurlar.

Publika.az tarixdə məşhur olan liderlərin ləqəblərini təqdim edir:

Stalin

İosif Cuqaşvilinin bir çox ləqəbi var idi: "Koba", “David”, “Vasiliy”, “Rus”, “Besoçvili”, “Soselo”, “Petrov”, “Çopur”, “İvanov”, “Keşiş” və ən məşhuru olan Stalin. Deyilənlərə görə, Stalin ləqəbini o, Leninlə birlikdə seçdi. Cuqaşvili özü üçün qısa və sərt ad istəyirdi. Əvvəlcə o Stalevım adını seçdi, lakin sonradan Leninin məsləhəti ilə Stalin oldu. Bununla yanaşı, xalq arasında Stalinə başqa ləqəblər də qoşulmuşdu: “Tarakan”, “Qayıq”, “Yosya Qroznı”.

Brejnev

Leonid İlya Brejnev daha çox xalq folklorlarının məşhur qəhrəmanlarının adı ilə çağırılırdı. Ona “İlya Epoxası”, “Qaranlıqlarda zirehli gəmi”, “Qalınqaşlı”, “Müdir”, “Qartal” kimi ləqəblər qoşulmuşdu.

Lenin

Vladimir Ulyanov Lenin təxəllüsünü özü seçib. Versiyaların birinə görə, Lenin adı Lena çayından götürülüb, digər versiyaya görə isə Nikolay Lenin adına pasportdan istifadə etdiyi üçün sonradan bu təxəllüsə üstünlük verib.

Ümumilikdə isə Leninin 150-dən çox təxəllüsü var idi. Ona “Qoca”, “Pyotr”, “Lenin baba”, “Rəhbər”, “Daz”, “Vovka” kimi ləqəblər də vermişdilər.

Hitler və Üçüncü Reyx

Hitlerə yalnız “fürer” (rəhbər, lider) deyirdilər. Amma Üçüncü Reyxin rəhbərliyində təmsil olunan şəxslərin ləqəbləri çox idi. Misal üçün, Yozef Hebbelsə “Kiçik doktor”, “Təbliğatın Mahatması”, “Zəhərli cırtdan”, “Axsaq iblis” deyirdilər. German Herinqə “Kök” ləqəbi verilmişdi. Rudolf Qess “Qara Emma”, “Froylyan Anna”, Qimmer isə “Hayni dayı”, “Kral Haynrihom” adlandırılırdı. Hitlerin yaxın ətrafı onun məşuqu Eva Brauna “axmaq inək” deyirdi.

Kim İr Sen və Kim Çen İr

Şimali Koreyada liderlərə “Böyük Marşal”, “Millətin taleyini həll edən rəhbər”, “Xalqın atası” kimi dəbdəbəli ləqəblər verilir. Hazırki lider Kim Çen İn isə əcdadları ilə müqayisədə daha az ləqəbə malikdir. Ona bu ləqəblər verilib: “Yeni ulduz”, “Parlaq yoldaş”, “Hərbi strategiyada dahilərin dahisi”.

Mixail Qorbaçov

Qorbaçovun xalq arasında çoxlu ləqəbi var idi. Misal üçün, “Danışan ayı”, “Qlobus”, “Demokratizator” və s. Ən məşhur ləqəbi isə “Limonad Co” idi. Bu ləqəb onun anti-alkaqol kampaniyasından sonra yaranmışdı. Bununla yanaşı, ona “mineral katib” də deyirdilər.

İdi Amin

Uqanda prezidenti İdi Aminin də çoxlu ləqəbi olub. Onlardan bəzilərini özü seçirdi, bir çoxunu isə başqaları vermişdi. Misal üçün, “Böyük Papik”, “Kənd zülmkarı” və “Afrika cəlladı” ləqəbləri məşhurdur. Amin hərbi xidmət illərində “bacı” mənasını verən “Dada” ləqəbini daşıyırdı. Buna səbəb isə onun çadırında tez-tez qadınların olması idi. O isə hər dəfə çadırına gələn qadınları “bacısı” adlandırırdı. Nəticədə əsgərlər kazarmanın yanından keçən bütün qadınlara “Aminin bacıları” adlandırmağa başladı. İdi Amin isə özünə uzun rəsmi adlar seçirdi: “Zati-ali ömürlük prezident”, “Al-Hacının Feldmarşalı doktor İdi Amin”, “Quruda və dənizdə bütün heyvanların hökmdarı” və s. Bununla yanaşı, Amin “Şotlandiya kralı” kimi də məşhurdur.

Asif