“Gənclik” və “20 Yanvar” stansiyalarının memarı haqqında bilmədikləriniz

AMEA Mərkəzi Elmi Kitabxanasının təlim iştirakçısı tərəfindən “Azərbaycanca Vikipediya”sında memar Konstantin Sençixin haqqında məqalə yaradılıb.

Bu barədə Publika.az-a AMEA Mərkəzi Elmi Kitabxanasından məlumat verilib.

O, Bakı metropoliteninin “Gənclik”, “Depo” və “20 Yanvar” stansiyalarının memarı olub.

Sençixin Konstantin İvanoviç 1905-ci ildə Bakı şəhərində dünyaya gəlib ömrünün sonunadək Bakı şəhərində yaşayıb. O, eyni zamanda “Artistlər Evi”nin memarı olub. Bununla bağlı maraqlı tarixçə var. Sençixin onu bu cür xatırlayır: “1938-ci ildə Moskvada Azərbaycan SSR mədəniyyəti dekadası keçirilir. “Koroğlu” operasında əsas rolu Bülbül oynayır. Tamaşaçılar arasında yer alan Stalin operadan sonra deyir: “Bu cür istedadlı artistlər Bakıda yaxşı mənzillərdə yaşamalıdır”. Bundan sonra sovet hökuməti Bakıda artistlər və musiqiçilər üçün yaşayış binasının tikintisinə dərhal 3 milyon rubl vəsait ayırır”.

Onun son işi 20 yanvar metrostansiyası olub. Bu stansiyanın layihəsini o Tokay Məmmədovla birgə hazırlayıb. O vaxt çox xəstə olduğuna görə stansiyanın layihəsini də xəstəxana da işləyirdi. Təəssüflər olsun ki, layihəni sona çatdırsa da stansiyanın açılışna qədər dünyasını dəyişir.

https://az.wikipedia.org/wiki/Konstantin_Sen%C3%A7ixin