Tarix

Hitlerin intiharı şahid tərəfindən anbaan təsvir edildi

30 Dekabr 2018 17:50

Rohus Miş adlı şəxs müəllifi olduğu “Hitlerin son şahidi” kitabında onun ölümü ilə bağlı bütün faktları su üzünə çıxarıb.

Publika.az xəbər verir ki, ingilis dilində yayımlanan kitabda bır sıra sensasiyalı faktlardan bəhs olunur.

Belə ki, Miş Adolf Hitleri və Yeva Braunu intiharlarından sonra görən ilk şəxsdir. Rohus özü isə 2013-cü ildə 96 yaşında dünyasını dəyişib.

Müəllif kitabda Hitler və Braunun ölümdən öncəki son dəqiqələrini də təsvir edir. Hitlerin keçmiş cangüdəni olan Miş Braunun ayaqlarının divanın altında qeyri-təbii şəkildə gizləndiyini yazır. Hitler Braundan əvvəl ölmüşdü. Gözləri isə açıq idi.

Xatırladaq ki, Hitler intihar edəndə Miş qonşu otaqda idi. Güllənin səsini eşidib, yan otağa qaçır, amma artıq çox gec olur. Miş özü düz 10 ilini əmək düşərgəsində keçirdib. Sonra isə Belinə qayıdıb, ömrünün sonuna qədər zərgərlik mağazasında çalışıb.

Leyla Sarabi

Teqlər Adolf Hitler