• USD 1,7000 0,00% EUR 1,8991 0,00%
    • GBP 2,2877 0,00% RUB 0,0271 0,00%

Putin hakimiyyətdə olduğu müddətdə… - SENSASİYALI İDDİA

  • MDB
  • 7 Yanvar 2019 11:12
  • 825 Baxış
Putin hakimiyyətdə olduğu müddətdə… - SENSASİYALI İDDİA

İlhaq edilmiş Krımda Rusiyanın hərbi kontingenti Ukrayna kəşfiyyatının hesablamalarından iki dəfə çoxdur.

Publika.az xəbər verir ki, bunu Krım məsələləri üzrə ekspert, “BlackSeaNews” portalının baş redaktoru Andrey Klimenko “Apostrof” nəşrinə müsahibəsində deyib.

“Hesablamalarımıza görə, Krımda təxminən 60 min nəfərdən artıq hərbçi var. İqtisadçı kimi özümüzün hesablama üsullarımız var. Məsələn, mənzil, hərbi ipoteka proqramları kimi. Əminik ki, işğal dövründə Sevastopol əhalisinin çox böyük artımı baş verib. İşğal dövründə rəsmi olaraq qeydə alınmış yeni Sevastopol sakinlərinin sayı 14 faiz çoxdur. Bu, ehtimal ki, hərbi qulluqçuların ailələrinin üzvləri hesabına baş verib. Biz görürük və bilirik ki, Şimali Krımda Rusiya hərbçiləri üçün bütöv yeni yaşayış məskənləri meydana çıxır. Hesab edirik ki, indiki qiymətləndirilmə çox əhəmiyyətlidir, axı Krım yalnız Ukrayna üçün deyil, həm də Moldova, Rumıniya, Bolqarıstan və Gürcüstan üçün təhlükədir”, - ekspert bildirib.

Andrey Klimenko nüvə silahlarsız belə, Rusiyanın çox təhlükəli olduğunu vurğulayıb:

“2008-ci il gürcü müharibəsindən sonra Rusiya adi silahlar üzrə daha güclü oldu. Biz görürük ki, “Kalibr” raketi 2600 kilometrdə uçur və sürəti səs sürətindən bir neçə dəfə çoxdur. Hətta ABŞ-da belə raket yoxdur. Bu silahlar yalnız Suriyada yoxlanılmır. Donbasda həmçinin radio elektron sistemlər, lokatorlar və tanklar kimi yeni silah nümunələri yoxlanılır. Bütün bunlar döyüş meydanının silahlarıdır. NATO-nun Polşada, yaxud hansısa Baltikyanı ölkədə daha bir tank batalyonu yerləşdirməsi planlarına rusiyalılar gülürlər. Çünki bu nöqteyi-nəzərdən ki, Rusiya hər şeydə üstündür. Rusiyalıların gülməyi əbəs deyil, axı “DXR”də (Donbasda yaradılmış qondarma rejim –red.) Almaniyadan daha çox tank var. Vladimir Putin hakimiyyətinin olduğu müddətdə Qara dəniz regionunda sakit həyat olmayacaq. Və təəssüf ki, Krım bütün mümkün hərbi əməliyyatların mərkəzində olacaq”.

Ömər

Xəbər lenti

DAHA ÇOX XƏBƏR