• USD 1,7000 0,00% EUR 1,9230 +0,22%
    • GBP 2,1260 +0,08% RUB 0,0237 -0,84%

Poroşenkodan müharibə elanına BƏRABƏR İMZA

  • MDB
  • 19 Fevral 2019 16:01
  • 613 Baxış
Poroşenkodan müharibə elanına BƏRABƏR İMZA

Ukrayna prezidenti Pyotr Poroşenko dövlətin konstitusiyasına dəyişikliklər haqqında qanunu imzalayıb.

Publika.az UNİAN agentliyinə istinadən xəbər verir ki, dəyişikliklər Ukraynanın NATO və Avropa İttifaqına üzvlük kursunu möhkəmləndirir.

Qeyd edək ki, 2014-cü ilin dekabrında Ukraynanın Ali Radası dövlətin neytral statusundan imtina edərək iki qanuna dəyişikliklər edib. 2016-cı ilin iyununda əlavə dəyişikliklərlə NATO-ya üzvlük ölkənin xarici siyasətinin hədəfi müəyyən edilib. Ukrayna 2020-ci ilə qədər öz silahlı qüvvələrini NATO ölkələrinin gücləri ilə tam uyğunluğunu təmin etməyə məcburdur.

Rusiya prezidenti Vladimir Putin dəfələrlə xəbərdarlıq edib ki, Ukraynanı və Gürcüstanı sıralarına daxil etməyə çalışan NATO belə siyasətin nəticələri haqqında düşünməlidir.

“Bizim həmkarlarımız vəziyyətin kəskinləşməsinə oynayırlar, həmçinin Ukrayna və Gürcüstanı NATO-nun hərbi orbitinə daxil etməyə çalışırlar. Belə məsuliyyətsiz siyasətin mümkün nəticələri haqqında düşünmək lazımdır”, - prezident hələ 2017-ci ilin iyulunda Rusiyanın daimi nümayəndələri və səfirlərinin müşavirəsində söyləmişdi.

Daha əvvəl Putin bildirib ki, Rusiya Gürcüstan və Ukraynanın NATO-ya girişinə son dərəcə mənfi yanaşır.

Rusiya Federasiya Şurasının beynəlxalq işlər üzrə komitəsinin başçısı Konstantin Kosaçev hesab edir ki, Avropa İttifaqı və NATO üzrə dövlət kursu haqqında qanun “Rusiyanın acığına” seçkiqabağı aktdır.

Ekspertlər güman edirlər ki, Kiyev ən yaxın 20 ildə NATO-ya üzvlüyə iddia edə bilməyəcək.

Ömər Dağlı

Halal Nemət

Xəbər lenti

DAHA ÇOX XƏBƏR