MDB

Xəzərin sahilində qeyri-rəsmi görüş: Liderlər nədən danışıblar? - FOTO/VİDEO

6 Avqust 2021 09:00

Video əlavə olunub.

xxx

Orta Asiya ölkələrinin prezidentləri Türkmənistana səfəri zamanı Xəzər dənizində yaxta gəzintisinə çıxıblar.

Publika.az xəbər verir ki, dəniz səfərindən fotoşəkillər Qazaxıstan Prezidentinin mətbuat katibi Berik Uali tərəfindən yayımlanıb.

Məlumata görə, Türkmənistan Respublikasının başçısı Qurbanqulu Berdiməhəmmədov onları gəzintiyə dəvət edib.

Gəzinti zamanı liderlər əvvəllər əldə edilmiş razılaşmaların həyata keçirilməsi və qarşılıqlı faydalı əməkdaşlığın daha da inkişaf etdirilməsi imkanları barədə fikir mübadiləsi aparıblar.

Qeyd edilib ki, bu gün Türkmənbaşı şəhərində Mərkəzi Asiya dövlət başçılarının məşvərət görüşü keçiriləcək. İştirakçılar ticarət, iqtisadi, enerji, nəqliyyat və kommunikasiya sahələrində regional əməkdaşlıq məsələlərini, həmçinin koronavirus pandemiyası ilə mübarizə üçün birgə tədbirləri müzakirə edəcəklər.

Hüseyn