MDB

Qurbanqulu Berdiməhəmmədov Türkmənistanın milli lideri elan edildi

22 Yanvar 2023 06:46

Türkmənistan parlamentinin yuxarı palatasının sədri və keçmiş prezident Qurbanqulu Berdiməhəmmədov milli lider elan edilib.

Publika.az TASS-a istinadla xəbər verir ki, ölkədə Türkmənistanın ali ümumxalq səsvermə orqanı olan Xalq Şurası yaradılıb. Ona keçmiş prezident, əvvəllər parlamentin yuxarı palatasının spikeri Qurbanqulu Berdiməhəmmədov başçılıq edir.

Türkmənistan parlamenti palatalarının şənbə günü keçirilən birgə iclasından sonra deputatlar keçmiş prezidentin ümummilli lider statusunu qanunla təsdiqləməyə çağırıblar. Parlamentarilər ölkə konstitusiyasına dəyişiklik edilməsi və Qurbanqulu Berdiməhəmmədovun türkmən xalqının ümummilli lideri statusunun təsdiq edilməsi, habelə onun rəhbərlik etdiyi Xalq Şurasının yaradılması haqqında qanun layihələrini müzakirə edərək qəbul ediblər.

Türkmənistan prezidenti Serdar Berdiməhəmmədov konstitusiya qanun layihələrini təsdiqləyib və imzalayıb.

Hüseyn İbadlı