MDB

Volqoqrad Stalinqrad oldu

31 Yanvar 2023 12:34

Stalinqrad döyüşündə nasist qoşunlarının Sovet qoşunları tərəfindən məğlub edilməsinin 80-ci ildönümü münasibətilə şəhərin bütün əsas girişlərində “Stalinqrad” yol nişanları vurulub.

Publika.az xəbər verir ki, bu barədə Volqoqrad administrasiyasının mətbuat xidməti rəsmi teleqram kanalında məlumat verib. Bildirilir ki, Volqoqradın Stalinqardla əvəzlənməsi müvəqqəti xarakter daşıyır.

Şəhərin adının müvəqqəti dəyişdirilməsi ilə bağlı müvafiq qərarı hələ 2013-cü ildə Volqoqrad Şəhər Duması qəbul edib və ona uyğun olaraq şəhərin simvolu kimi “Stalinqradın qəhrəman şəhəri” adı təsis edilib və "Qəhrəman şəhər Volqoqrad" ilə birlikdə istifadə olunur.

Şəhər administrasiyasının mətbuat xidməti bildirib ki, Volqoqradın qəhrəmanlıq keçmişinin xatirəsinə ithaf olaraq, faşist işğalçılarını dəf edən şəhər kimi dünya tarixinə düşdüyü adı ildə doqquz gün geri qaytarırlar.

Ayşən