Xəzərdə gəmilərin hərəkəti ilə bağlı YENİLİK

Xəzər dənizinin Qazaxıstan sektorunda gəmilərin hərəkətinə nəzarət rəqəmsallaşdırılacaq.

Publika.az xəbər verir ki, bu barədə “Sputnik Qazaxıstan” məlumat yayıb.

Respublika Nəqliyyat Nazirliyinin Dəmir Yolu və Su Nəqliyyatı Komitəsinin sədr müavini Qasım Tlepovun bildirdiyinə görə, naviqasiya təhlükəsizliyi sistemi təkcə gəmiçiliyin artması ilə deyil, həm də Xəzər dənizinin dayazlaşması ilə əlaqədar modernləşmə tələb edir.

Onun sözlərinə görə, yenilənmiş sistem artıq Qazaxıstanın Bautino və Kurık limanlarında fəaliyyət göstərir, Aktauda isə 2025-ci ildə işə başlayacaq.

“Bundan sonra bütün naviqasiya sistemləri birləşdirilərək bütün Qazaxıstan akvatoriyasını rəqəmsal idarəetmə ilə əhatə edəcək”, - Tlepov qeyd edib.

Bundan əlavə, o bildirib ki, 2028-ci ilə qədər Qazaxıstan Transxəzər dəhlizini və Şimal-Cənub xəttini rəqəmsallaşdırmaq niyyətindədir.

Respublika Nəqliyyat Nazirliyi həmçinin konteyner daşıma qabiliyyətini üç dəfə, tranzit daşımalarını iki dəfə artırmaq, gəmilərin emal və yüklərin rəsmiləşdirilməsi vaxtını bir yarım dəfə azaltmaq planlarını da açıqlayıb.

Akqabay