Mənim haqqımda pis danışırsansa, ehtiyatlı ol - Mourinyo jurnalisti hədələdi

Joze Mourinyo bir daha özünəməxsus xasiyyətini nümayiş etdirib.

Publika.az xəbər verir ki, mətbuat konfransından sonra “Real Madrid”in baş məşqçisi jurnalistlə qısa şifahi mübahisəyə girib, hətta zarafatla onu hədələyib.

Mətbuat konfransı zamanı portuqaliyalı hazırkı vəziyyətini müzakirə edib və illər ərzində sakitləşdiyini bildirib. Mourinyonun sözlərinə görə, o, indi Madrid klubundakı ilk dövründən tamamilə fərqlidir.

Lakin mətbuat konfransını bitirdikdən sonra Joze bir daha göstərdi ki, onun özünəməxsus xarakteri hələ də yoxa çıxmayıb. Məşqçi meydançanı tərk edərkən COPE jurnalisti Migel Angel Dias ona qarşı bir şərh verərək Mourinyonu “pis” adlandırıb. Bunu eşidən portuqaliyalı məşqçi dayanıb və cavab vermək qərarına gəlib.

O, əvvəlcə jurnalistin “Real” daxilində yaxşı əlaqələri olduğunu qeyd edib və sonra özünəməxsus təbəssümlə deyib:

“Yaxşı, mənim haqqımda yaxşı danışdığın müddətcə hər şey qaydasındadır. Amma mənim haqqımda pis danışırsansa, ehtiyatlı ol”.