MDB

“Kurmanqazı”da 300-ə yaxın yük maşını toplanıb - Nə baş verir?

5 Noyabr 2024 15:56

Qazaxıstan-Rusiya sərhədində, “Kurmanqazı” keçid məntəqəsində 300-ə yaxın yük maşını toplanıb.

Publika.az xəbər verir ki, bütün yük maşınları Rusiyaya üz tutur. Tıxacın yaranmasına səbəb Atırau-Həştərxan avtomobil yolunda təmir işlərinin başa çatdırılması olub.

TASS bu barədə Qazaxıstan Maliyyə Nazirliyinin Dövlət Gəlirləri Komitəsinin mətbuat xidmətinə istinadən məlumat yayıb.

İdarədən verilən məlumata görə, təmir işləri başa çatdıqdan sonra nəqliyyat vasitələrinin sayı kəskin artıb - sutkada 250-300 avtomobilə qədər, məntəqənin ötürmə qabiliyyəti isə cəmi 200 ədəd təşkil edir.

Agentliyin həmsöhbəti deyib ki, komitə Sərhəd Xidməti ilə birlikdə nəqliyyatda gecikmələrin minimuma endirilməsi və yaranmış çətin vəziyyətin aradan qaldırılması üçün hər cür səy göstərəcək.

Tural